اجتمع الجمهور من اهالى القريه على نداء احد رجال الريس سبعاوى اناس عاديون واطباء ورجال علم وفكر وتجار وزراع ومن جميع الفئات والاعمال حتى النساء خلف قصره الفخم العتيق فالريس سبعاوى كم حمى تلك القريه من قطاع الطرق واللصوص والخونه والفاسدين نعم كان يقبض ثمن ما يفعله لكنها القوه وصناعتها والفوضى وكيفيه التغلب عليها بشتى الطرق حتى لو كان بالسلاح والف اهل القريه ذلك منذ زمن قبل حدوث المتغيرات الاخيره على الساحه واهل القريه يعيشون فى راحه وامان وامن بسبب الريس سبعاوى وحرصه الشديد على ان يحفظ الامن لتلك القريه السالمه البعيده جدا عن العاصمه رغم ان بها رجال دين وكتاب وتجار الا ان كل واحد انهمك فى عمله وطريقه وترك حفظ الامن وحل المشاكل والخلافات للريس سبعاوى هو وحكماءه ورجاله البواسل الذين وقفوا دوما مع اهل القريه الا ان الريس سبعاوى وفى تلك الظروف الغامضه فجاه وتنصل من التزاماته التى يقول انها انهكته واخذت من عمره الكثير فقرر ان يتخلص من تلك الحمايه وذلك العمل الشاق فارسل للوفود الى قصره وخرج احد مساعديه ليقول للجميع
=الريس سبعاوى بيسلم عليكم وبيقولكم كل واحد بعد كده يحمى نفسه بنفسه هو مالوش دعوه بحد ولا عايز حاجه من حد الراجل تعبان وتعب يا عالم ارحموه شويه
اندهش الجميع واخذ كل واحد يعرضه مظلمنته
شيخ المسجد/يعنى ايه الكلام ده امال مين هيدافع عن الجوامع والبيوت ويمسك الحراميه وينفذ القانون ويحافظ على الامن
الطبيب/ده من يوم ما الريس سبعاوى جالنا واحنا عايشين فى امان
المحامى/وبياخد تمن شغله هو احنا يعنى بنشغله بببلاش
التاجر/لازم نشوف حل احنا مشفاضيين
المزارع/ده احنا فى ايام الثوره ولولا الريس سبعاوى كنا ضعنا واتحرقت اراضينا وبهايمنا يا عالم حرام عليكو م
وتمتمات من هنا وهناك والريس سبعاوى عند قراره هتف احد رجاله
=مفيش بايده الريس سبعاوى خلاص بطل كل واحد يشوف حاله ويحمى نفسه بنفسه
وانفض الجمع الغفير وانفرد الريس سبعاوى برجاله داخل القصر ودار بينهم حديث طويل
احد رجاله/ليه يا ريس عملت كده اول مره تحصل
سبعاوى/والله انت طول عمرك حمار بتفهمشى
ذكى/فهمنى يا ريس
سبعاوى/اليومين دول يومين الهيصه والشاطر اللى يلعب ويكسب احنا بقالنا زمن مع الناس دول ندافع عنهم بنمسك لهم الحراميه ونجيب لهم حقوقهم ونحل لهم مشاكلهم
سعيد/اه والله يا معلم كلك خير
سبعاوى /وبناخد ملاليم وكل واحد عاملى راجل على الفاضى ومشعارف يحمى نفسه ولما يجرى على بتوع الشرطه التافهين مابيعملوش لهم حاجه ومحاكم وقضايا والاخر ايه بيحصل ولا حد بياخد حقه احنا اللى جبنا حقوقهم بالعقل والدراع لازم نخليهم يحسوا بان لهم لازمه وبعدين البلطجيه مليانين البلد و تحيا الثوره ودى فرصتنا بدل ما بناخد ملاليم ناخد ملايين هو احنا اقل من غيرنا وده حقنا لا العمده نافع ولا الشرطه نافعه ولا المحاكم لها لازمه النهارده يا اولاد فرصتنا نعمل كل اللى احنا عايزينه ومن دلوقتى كل واحد فيكم يسمع وينفذ التعليمات
كرم/حاضر يا ريس
ينفض الجمع ونسمع كلام من هنا وهناك كانت القريه امنه الان تخلى الريس سبعاوى عنهها وعن اهلها تمر الساعات وعند الصباح تاتى امراه صارخه فى وجه الريس سبعاوى
المراه/حرام عليك منك لله هنعمل ايه احنا دلوقتى
سبعاوى/تجوزينى يا ام محمود
نظرت المراه باندهاش وتبسمت وطاف خيالها فجاه انه الريس سبعاوى جميع نساء القريه تتمناه زوجا فرت المراه فجاه من امامه فوقع الريس سبعاوى على الارض هو ورجاله من الضحك
2/ المقهى مزدحم بالناس يقف خطيب المسجد وذلك فى المساء
الخطيب/ايه اللى حصل ليله امبارح ده يا شكرى قول ما تخافشى
شكرى/اتنين دخلوا على وسرقوا دهب الست بتاعتنى وقتلوا ابنى الصغير
يبكى والله قدام عينى
الناس فى فزع
المحامى/يعنى ايه ومشعارفهم مين دول
الخطيب/وايه اللى عملته
المحامى/بلغنا النيابه ونزلت معاينه وقالوا هنحقق فى الامر
مزارع/الله يرحم ايامك يا ريس سبعاوى
الخطيب/هيحققوا فى الامر يا سلام
وانت يا اسماعين
اسماعيل/ما بلاش يا مولانا
الخطيب/يا بنى قول
اسماعيل/اتنين دخلوا على وعملوا يسكت والعرق يتصبب منه ناظرا للجميع فى خجل
الطبيب/خلاص يا اسماعين كفايه
الخطيب /لا حول ولا قوه الا بالله وانت يا عوده
عوده/حرقوا زارعى وسرقوا بهايمى منهم لله
المحامى/يعنى ايه هو لو ما كانشى سبعاوى معانا منعرفشى نحمى بعض لازم نشترى سلاح ونحمى بعض كده احنا عايشين فى مافيا وشغل عصابات
تاجر/انا بقيت على الحديده مخازنى كلها اتسرقت
المفكر/ما خلاص انا هكتب عن الحكايه دى فى الجرايد واخاطب المسؤلين
المحامى/هو عاد فيه مسؤليين يا استاذ بكر ما خلاص كل واحد يحمى نفسه بنفسه كفايه خراب بقى
بكر/والقانون
المحامى/قانون شيكاغو ساكسونيا
بكر/والشرطه/فى العسل خونه
يخترق الناس رجل طويل
الرجل يدعى زكريا/انا عارف مين اللى هيحل مشكلتنا
الطبيب/مين
زكريا/مستر اكس نجيبه من شيكاغوا ونتفق معاه بدل سبعاوى
المحامى/انت بتهزر كفايه غلب بقى
ينفض الجمع وكل يوم بالمساء تحدث وقائع تخريب وسرقه وقتل واغتصاب ولا فائده ولا حل حتى غرقت القريه الامنه فى الخراب والدمار والفوضى
حتى اتفق اهل القريه فيما بينهم ان يذهبوا جميعا للريس سبعاوى حتى ينقذهم من الدمار الذى حل بهم والبلاء الذى احتواهم وكدر حياتهم
شهر مضى على تلك الحال وليس هناك جديد غير الخراب والفوضى والقتل والسرقه ولا قانون يحمى احد ولا امن
وقف الجميع على باب القصر ونادى خطيب المسجد بصوت عال
الخطيب/يا ريس سبعاوى
يخرج احد رجاله
=عايز ايه يا مولانا
عايزين الريس يا سالم
يخرج عليهم الريس سبعاوى فى زينته
سبعاوى/خير يا مولانا
الخطيب/ هيجى منين الخير يعنى تسيبنا فى الظروف الصعبه دى يا ريس ده احنا اتخرب بيتنا ومش عارفين نعيش
سبعاوى/شوف يا مولانا انا قلت قبل كده انا كبرت وتعبت
الخطيب/خلاص خلى رجالتك تحمينا من الحراميه والبلطجيه وولاد----- يسكت
سبعاوى/ مفكرا خلاص يا مولانا انا موافق بس بشروط
الخطيب/سعيدا اللى تامر به
سبعاوى/واد يا سالم اقرالهم الورقه يا يواد
سالم/كل مزارع وصاحب ارض يتنازل عن فدان من ارضه للريس سبعاوى
واول كل شهر يدفع كل بيت خمس تلاف جنيه والمحصول للريس سبعاوى نصه
وكل يوم تخدم بنت او مرات اى واحد فيكم فى قصر الريس سبعاوى
والتجار يبعته نص المكسب للريس سبعاوى
وكل صاحب ملك عقار نصه للريس سبعاوى وتاجر الدهب له فى الدهب وتاجر اى شىء للريس نصه واى امر ما يتمش الا بمعرفه الريس سبعاوى ولو حتى صغير
وهنبعت بصاصين يراقبوا البيوت والناس والاعمال ومحدش يعترض وهننشر رجالتنا فى الشوارع وفى البيوت وفى كل مكان يراقبوا النظام ولم الاتاوه واى واحد هيخالف التعليمات هنسجنه ونعاقبه بطريقتنا وده قانون بنفرضه من دلوقتى واللى مشعاجبه يحمى نفسه بنفسه
ينظر الجميع لبعضهم البعض باندهاش
فى صوت واحد/والله ده حرام ليه كده يا ريس بس
سالم/تم الكلام ايه رايكم
الجميع يتهافتون يتمتون وفى استسلام تام
الجميع/موافقون
سالم/كده انتم بتفهموا ابداوا تنفيذ التعليمات ومحدش يخالف النظام
يدخل الريس سبعاوى مبتسما وخلفه سالم فى سعاده متناهيه (انتهى
ليست هناك تعليقات:
إرسال تعليق