إجمالي مرات مشاهدة الصفحة

الجمعة، 28 أكتوبر 2011

فرافيرو قصه قصيره


قرر فرافيرو ان يعتزل الاجرام وسلوك طريق الجريمه الذى اعتاد عليه طيله عشره اعوام
لم يكن على علم بانه قد قامت ثوره فى مصر وان الشعب ثار على حكامه ولم يكن مصدقا حينما علم بذلك ان رجال الامن لم يحركوا ساكنا او يفعلوا شيئا ذا قيمه لحكامهم فقد تهاوت كل الانظمه الامنيه امام عينى الجميع فكانت دهشه بالغه ثم ان فرافيرو هو احد رجال الامن لم يكن ضابطا او حتى جندى وانما كان مجرما لبقا ذكيا كم اعتمد عليه رجال الامن فى انجاز اعمالهم وحينما لم يعثروا على فاعل او قاتل او سارق لجريمه ما كانوا يستعينوا بفرافيرو ليحل لهم اللغز او يحلونه معا فتاره يقدموا فرافيرو على انه الفاعل او احد اتباعه
وتنتهى القصه دون عناء وحينما كانو يردون تصفيه فلان او علان من خصومهم كانوا يستعينون ايضا بفرافيرو وحينما يحدثوا فوضى وحينما يفعلو اى جريمه لا مفر من فرافيروا واتباعه لقد كان كنزا بالنسبه لهم فهم من جعلوا منه مجرما وهم من جعلوا منه بطلا وهم من جعلوا منه اسطوره وفى الحقيقه لم يكن فرافيرو على قدر من الذكاء كما لم يكن مجرما اصلا كما لم يكن اسطوره كما يظنون
الا ان فرافيروا صدق اكاذيبهم كما كان يصدق تقاريرهم واشاعه قوتهم وجبروتهم وحكايه امنهم الذى لا يقهر الفاشله
الا ان فرافيروا حينما فر من السجن مع من فر قرر ان يعتزل الجريمه ويصبح انسانا ثوريا كغيره فليس هو اقل شانا من الشباب الذى ثار وقدم دماءه فداءا للوطن من اجل الحريه والكرامه
فقرر ان ينتقم من الجميع ومن الخونه ومن اللصوص ومن من نهبوا الناس ظلما ولانه يعرفهم جميعا فقد قرر ان يتخلص منهم جميعا بلا استثناء فكان كالذئب الذى تمرد على الجميع لقد صنعوه قديما لمصلحتهم وهو الان صنعته الحياه لمصلحه الشرفاء
فرافيروا ذلك المجرم القاتل يريد ان يتحول لحمل وديع منصفا للضعفاء والفقراء
كم يبدو انه امر غريب الا انه يمكن ان يحدث
الا انه ورغم تلك الامنيات التى تراود فرافيرو الا انه حدث ما لم يكن يتوقعه انه نفس الرجل الذى كان الجميع يطلق عليه لقب الساطور لقد ارسل فى طلب فرافيرو لقد تردد فى البدايه الا انه فى النهايه قرر ان يذهب ليرى ما يريده
دخل فرافيرو نفس المكان الذى اعتاد ان يدخله زمنا ونفس الوجوه ونفس الانفاس
كان جالسا على المقعد الفولازى نفس المقعد وينظر للجميع بنفس نظره الاستعلاء
=اللواء/انت كنت فين يا فرافيروا انت مشعارف ان احنا محتاجينك اليومين دول
فرافيرو/والله انا كنت موجود بس محدش قال انك محتاجنى وبعدين هتحتاجونى تانى ليه ما خلاص
اللواء/خلاص ايه يا حمار هو احنا لسه بدانا
فرافيرو/ازاى مشهما حلو امن الدوله والشرطه خلاص خدت على قفاها من الشعب يا ريس ده االعصابه كلها فى التخشيبه وبقت الفضايح فى كل مكان
اللواء/هتفضل طول عمرك حمار (بهدوء) شوف يا فرافيرو احنا عايزينك اليومين دول فاهم
فرافيرو/(باستخفاف) لا مش فاهم يعنى لا فيه امن دوله ولا انتخابات ولا جرايم ولا غيره هتعوزونى ليه
اللوا/(بعصبيه)انت حمار وهتفضل غبى طول عمرك (ينهض) شوف يا د انت امن الدوله زى ما هو والشرطه زى ما هى والانتخابات هتتزور زى الاول واكتر والعصابه اللى انت شمتان فيهم دول لسه بيشتغلوا وبنشتغل لحسابهم ومش هياخدو ساعه سجن ولو حتى حد فيهم اتحكم عليه بالسجن مانت عارف السجن سجننا والعمليه كلها مطبوخه ومتفبركه والحزب هيرجع تانى واكتر من الاول انت بتسمع كلام الجرايد وشويه العيال والمرشحين والاحزاب الجديده دى دى كلها ورق صدقنى احنا يقالنا ستين سنه كاتمين على نفسهم خليهم بقى ياخدولهم يومين من نفسهم
فرافيرو/(مندهشا)ازاى الكلام ده امال الدستور وتعديلاته والحاجات اللى بتحصل والمظاهرات والتغييرات والعالم وامريكا وغيرها ده انا خلاص حسيت اننا فى زمن الثوره فعلا
اللوا/ثوره ايه يا اهبل هو فيه يافطه بتشيل نظام
فرافيرو/معقوزله طب والمجلس العسكرى عارف كل ده
اللواء/يا حمار ده هو نفسه من النظام هو فيه نظام بيحاكم نفسه
فرافيرو /(مندهشا)طب والشعب
اللوا/شعب ايه يا اهبل
(باصرار) انت عارف الفلوس راحت فين خدناها ومين اللى عامل فوضى احنا ومين اللى بيشغل الاعلام حسب مزاجه احنا وعارف مين اللى بيعمل المشاكل احنا احنا الكل فى الكل افهم
فرافيرو/طب ليه ده كله دى مؤامره على الشعب والثوره
اللواء/(يبتسم)شوف يا فرافيرو الشعب لو خد كل اللى هو عايزه هتبقى فوضى لازم حد يفهمه الصح من الغلط لازم يعرف ان دتايما فيه كبير وفيه اصول وفيه قانون
الشعب فاهم الحريه غلط وشوف بيحصل ايه كل يوم بالذمه ده شعب يستحق الحريه
فرافيرو(يبدو مقتنعا)كل شويه اضرابات ومظاهرات عايزين ايه تانى عملتم ثوره والجيش حماكم وحاكم لكم اللى انتم عايزينهم يتحاكموا وبيعمل كل اللى انتم عايزينه بس انتم شعب غبى كل واحد عايز حاجه يعملى ثورجى والبلد وقفت والناس مش لاقيه رغيف العيش
اللوا/يا سلام عليك لما تكون بتفهم
(باهتمام)شوف بقى يا فرافيرو اللى ينسى اللى رباه يبقى ايه
فرافيرو/يبقى خاين
اللواء/والخاين بيتعمل فيه ايه
فرافيرو/(بخوف)بتنقطع رقبته
اللواء/وزى ما قلتلك احنا زى ما احنا ونفس قوتنا ونفس جبروتنا ومفيش حاجه اتغيرت كلها شكليات يعنى على ورق
احنا عايزينك عشان الانتخابات رجالتك يطلعوا ويشتغلوا طبعا فاهم
فرافيرو/فاهم نفس النظام
اللواء/(بضيق)ما قلتلك زى ما احنا مفيش حاجه اتغيرت
وبعدين احنا شايفين شغلنا فى البلد حريقه هنا ضربه هناك نهب هنا بلطجه هناك فوضى هنا فوضى هناك وكله تمام انت بقى شغلنتك الانتخابات
تاشيره منا ليك تقتل فلان تشترى فلان تبيع فلان المهم اللى احنا عايزينه يتنفذ
فرافيرو/مفهوم دى لعبتى
بكام بقى ده كله انا لسه طالع من السجن ومشلاقى العيش
اللواء/انت هتستعبط ما احنا اللى طلعناك من السجن
فرافيرو /انا عارف بس دلوقتى غير زمان
اللوا/اه مانت بقى افتريت
فرافيرو/مهما اعمل مشهبقى زيك
اللواء/طب يلى استعد وشوف شغلك دعايه وخلافه وجهز رجالتك عشان المساله مش هزار
فرافيرو/ناولنى العربون
اللواء/انت سقت فيها خالص
فرافيرو/اهو ناخد حاجه من الثوره
اللواء/ولا يهمك كلنا يا فرافيرو بنعمل للثوره وعايشين وبنعمل كل ده عشان الشعب والوطن
خلى دايما شعاراتك (من اجل تحقيق العداله/من اجل تفعيل المواطنه/من اجل دماء الشهداء الطاهره/من اجل حريه المواطن ورفاهيته/)وخلى شعارك (لتحقيق مبادىء الثوره البيضاء ثوره شعب مصر العظيم)
فرافيرو/مفهوم
اللواء/العربون هيوصلك لما تروح ماشى
فرافيروا/كالعاده
اللواء/تمام
يخرج فرافيرو مندهشا ويذهب لبيته منتظرا العربون ويندهش ويتساءل هل ما قاله الرجل صحيح انها لكارثه حقا ان يخدع ذلك الشعب بهذه الطريقه
انها لكارثه ان ترتكب تلك الجائم من خداع واتنهازيه وسفك للدماء ولا يحاسب احد
كلها تبدوا محاكمات كرتونيه والمساله كلها شعارات هل حقا ان تلك الثوره اكذوبه
ما زال فرافيرو يسال نفسه اسئله تلو الاخرى متحيرا هل يقبل العربون ويعمل ضد الثوره رغم انها وظيفته القديمه ام يرفض وينتظر مصيرا لا يعلم عنه شىء فقد يكون الرجل محقا وينل جزاءه قطع رقبته وقد يكون كاذبا فيخسر نفسه الا ان مساله خسران النفس تلاشت لانه بنى زمنه القديم على المصلحه فكل شىء بمقابل ورغم انه فى البدايه قد حاول ان يتخلص من نفسه الاثمه ويبدا عهد جديد من الشرف والعمل بكرامه الا انه سرعان ما تغير الحال حينما التقى بذلك الرجل افكار وافكار فجاه يدق الباب فيفتح فاذ به رجل غريب
الرجل الغريب/انت فرافيرو
فرافيرو/اه
الغريب/اللفه دى من صاحبك اللى كنت معاه من شويه
فرافيره/سلم لى عليه
يخرج الرجل يفتح اللفافه فاذ بها مبلغ مالى ذا قيمه
فيستلقى على السرير وقد غطى السرير بالمال ونام عليه وراح فى نوم عميق



ليست هناك تعليقات:

إرسال تعليق